Zan Hlimawm!!

Kum 2010 krismas a lo zova, kum 2011 a lo her chhuak a, zirlai mahni inlum chhuahsan ngai tih takah kar lovah mahni awmna hmun pan a lo hun leh ta reng mai.

Jan ni 7 a lo herchhuak a, a tuka mahni inlum chhuahsan tawh mai tur tih takah lung a leng tan nghal der tawha. Mahni thawmhnaw ken tur pawh siam peihlovin chhungte siamah ka’n hnutchhiah a. Thiante lahin inthlahnan tiin ar kan an lo rawt ve chhen bawk nen. Tih tur tam si engmah tih phur si lovin ni chu ka leng a ni ta ber a. Zanriah eikhamah chuan thiante chu kan Inah chuan an rawn kal khawm tan der tawh a. Ar kan talh a, kan puah zawh chuan kan thiante Inah kang turin kan kal ta a.

Hlim taka inkawm pahin ar chu kan kang ta a, kei lah chu kal tawh mai tur ka nih avangin len ka duh em em mai bawk si. Len duh viau e tilo chuan ka len duhna ah chuan ka leng ngam der bawk si lo. Chu achapah zan dar 10 a ni der tawh bawk si. Rilru mumal pawh pu lo chuan kum 2 dawn ka lo vei ruk em em tawh chu kan message ta a. Vanneihthlak takin a lo la mulo hlauh mai!! Thiante pawh zahzolovin leh kan ar kan pawh chu ei hman lovin ka thianpa scooter chu kan dil tawp mai a, rilru hlim leh zam angreng tak chungin an In lam ka pan ta a. An in zawn ka then chuan kan zam thar leh a, kan tlanpel leh phawt a. An inpiah kawi atang chuan ka’n message leh a, an kawta lo awm turin ka ti a. Ka let leh a, ka la hmu chuanglo, ka tlanpel leh, ka nghak vang vang a. Rei vaklo hnuah chuan message in ka awmna min rawn zawt a. Chutah zet chuan zam tak leh khur chungin an In kawt lam chu ka pan ta a.

Amah kan hmu chiah mai chu, ka hlim dan chu sawiphak pawh hi a nilo!! Chutah kan han thu dun a, khawvawt nen zam bawk nen; ka khur ru der der a, ka hnaih ngam mai lova. Hun engemaw chen chutia kan thut a kan titi hnu chuan ka thut hnaih ngam ta hram a. Ka kuah a, ka fawp ta!!! Khatih hun lai na na na kha chuan kei aia hlim hi an awm bik kher lo maithei a ni..

Khatia kan thutdun a, kan titi chhung reilote emaw ka tih chhung khan darkar 2 chu a lo liam hman der a. Haw a hun tawh si, thlahlel tak chungin ka ‘Mangtha’ ta a. Kha zan zet kha chu ka tan hian zan hlimawm, ka theihnghilh ngai tawh loh tur a lo ni ta a ni.

Advertisements

6 Responses to “Zan Hlimawm!!”

  1. Huhuuuuuu. Khrenga ziah ni awm a ni.

  2. Khring Says:

    I va Ngampa ve leeee !!

  3. Ekhai, in awm maw… Hei, kei sawm loh inleng hi, kawngka kik lovin ka rawn lut ve ngawt a nia. Mokkai-a chu misual lamah ka hriatna che a rei tawh nen, i blog ah ka lo la lut miah lo anih hi. Blog i nei tha khawp mai. A theme pawh hi duhthusama mawi anih hi.

    Zirna avanga duhtak nena tlang khata lendun theih loh hunlai te kha min tihrechhuak e. Mahni zirna hmun pan dawn zan hi chuan menrei a awl bik thin asin. A ngaihnawm khawp mai.

    • Ekhai, rawn leng fo rawh. Ka blog i fakna tawngkam chuan min tilawm khawp mai.

      Nia tiraw, khuahmunloh di tih hi kan sa ruai ruai reng mai a nih hi maw..

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: