Archive for the Romance Category

Kum 1 a Tling Ta!!!!

Posted in Personal, Romance on 01/07/2012 by ramtea

Hun hi a lo va kal chak tak em!! Reilo te emaw kan tih chhungin kum a lo vei leh der tawh mai. Ni ka post hmasa Zan Hlimawm chhiar chuan Ka bialnu nena kan intawn dan inhre tawh ngeiin ka ring.

Kha zan hlimawm tak leh ngaihawm tak kha tun thlenga ka lung tilengtu leh hlimna min thlentu a la ni reng a nih hi. Hringnun hi a lo va mak thin tak em!! Kha zan Pawlkut thla tahrik ni 7 kum 2011 ah kha chuan hlim takin kan awmdun asin le!! Mahse kum a lo vei meuh chuan tuanna mual hranah hun kan hman a tul si!! Inthlahlel tak chung leh inngai tak chungin kan awmdun thei silo. Mahse a pawi love, rinawmna kan tiam tawh alawm.

He hun chhung hian kan inkarah harsatna a va tam tak em. Dawt a diklo taka min min puhna te, thu in bakkaih avanga kan intih thiamlohna te… sawi vek sen pawh a nilo. Tin, mihringte pawh hi kan lo va sual tak em!! mi inhmangaih tak leh induh em em te pawh dawtthu mai mai hmanga inthen tir duh khawpa thu veivir ching te an lo awm lehzel hi a vanduaithlak a ni. Mahse hmangaihna a lo pian tawh tak tak chuan harsatna karah pawh chu hmangaihna chuan hmun a chan len ber avangin hun lokal zelah chuan hlimna a lo parchhuak thin a lo ni.

Kum 2011 krismas kan hmandan leh 2012 kumthar kan hman dun dante kha aw. Mi tumahin min awt kherlo mahse keini pawhin tumah kan awt bik lemlo. Kan pahniha kan awmduh chuan kan hlim a, engdang mah kan ngai biklo. Kan inthlahlel a, kan inngai in kan inkawmngeih em em mai bawk si.

Ni, ani hi ka lo tawng lo ang tih ka hlau a ni. Ka rilru tihlimtu ber mahse awlsam taka rilru na taka min siamtheitu a ni si. Hmangaihna awmzia la hrelo leh la temve ngailo kei atan chuan amah ka duhna leh ka thlakhlehna hi hmangaihna a puh loh phal chi a ni dawn em ni? Sawi zel tawhlo mai ang Buichhe laih loh kan inpuang mualpho zo dawn’.

He hun chhung zawnga min vengtu Pathian hnenah lawmthu ka sawi a. Hriselna tha tak nena min ven tawnna ah kan lawm tak meuh a ni.

Bonus…

Phatsanna

Posted in Gospel, Personal, Romance on 08/02/2011 by ramtea

Dam taka awma, mahni hna tha taka thawh theih a, enghelh nei lova awm lai hi chuan vanduaina hi kan chunga thlengve turah pawh ruat a har thin.

Mahse vanduainate, harsatnate hi kan chan tura Pathian ruat a lo nive tho mai. Mihring pangngai nih a, han tleirawl chhuah phat hi chuan a hmei a pa in ngaihzawng kan nei deuh vek awm e. Ngaihzawngte nena hlim taka awm lai tluka nuam hi nulat tlangvalna kawngah chuan a lehpek tur a awm chuang kher awm love.

Mahse chutia inngeih taka kan awmdun laia kan ngaihzawngte laka midang an lo tlakzep tawh chuan mipangngai tan pawh tawrh a har thin a nih hi. Hetiang vanduaina lo thleng avang hian keini Mizo te pawhin lengzem hla thahnem tak kan lo neih phah tawh a. Kan la neihbelh zel bawk ang.

Hetiang phatsannain min hmuhtir chu Lal Isua hmangaihna hi a ni. A hmangaihna tlansana sual bawiha kan awm hian engtiang takin nge a rilru a nat ang tih min hriattir a. A nihna ang takin hrethiamlo mah ila a them tal min lo temtir ni hian ka hre thin.

Zan Hlimawm!!

Posted in Ho mai mai, Personal, Romance with tags , , on 01/19/2011 by ramtea

Kum 2010 krismas a lo zova, kum 2011 a lo her chhuak a, zirlai mahni inlum chhuahsan ngai tih takah kar lovah mahni awmna hmun pan a lo hun leh ta reng mai.

Jan ni 7 a lo herchhuak a, a tuka mahni inlum chhuahsan tawh mai tur tih takah lung a leng tan nghal der tawha. Mahni thawmhnaw ken tur pawh siam peihlovin chhungte siamah ka’n hnutchhiah a. Thiante lahin inthlahnan tiin ar kan an lo rawt ve chhen bawk nen. Tih tur tam si engmah tih phur si lovin ni chu ka leng a ni ta ber a. Zanriah eikhamah chuan thiante chu kan Inah chuan an rawn kal khawm tan der tawh a. Ar kan talh a, kan puah zawh chuan kan thiante Inah kang turin kan kal ta a.

Hlim taka inkawm pahin ar chu kan kang ta a, kei lah chu kal tawh mai tur ka nih avangin len ka duh em em mai bawk si. Len duh viau e tilo chuan ka len duhna ah chuan ka leng ngam der bawk si lo. Chu achapah zan dar 10 a ni der tawh bawk si. Rilru mumal pawh pu lo chuan kum 2 dawn ka lo vei ruk em em tawh chu kan message ta a. Vanneihthlak takin a lo la mulo hlauh mai!! Thiante pawh zahzolovin leh kan ar kan pawh chu ei hman lovin ka thianpa scooter chu kan dil tawp mai a, rilru hlim leh zam angreng tak chungin an In lam ka pan ta a. An in zawn ka then chuan kan zam thar leh a, kan tlanpel leh phawt a. An inpiah kawi atang chuan ka’n message leh a, an kawta lo awm turin ka ti a. Ka let leh a, ka la hmu chuanglo, ka tlanpel leh, ka nghak vang vang a. Rei vaklo hnuah chuan message in ka awmna min rawn zawt a. Chutah zet chuan zam tak leh khur chungin an In kawt lam chu ka pan ta a.

Amah kan hmu chiah mai chu, ka hlim dan chu sawiphak pawh hi a nilo!! Chutah kan han thu dun a, khawvawt nen zam bawk nen; ka khur ru der der a, ka hnaih ngam mai lova. Hun engemaw chen chutia kan thut a kan titi hnu chuan ka thut hnaih ngam ta hram a. Ka kuah a, ka fawp ta!!! Khatih hun lai na na na kha chuan kei aia hlim hi an awm bik kher lo maithei a ni..

Khatia kan thutdun a, kan titi chhung reilote emaw ka tih chhung khan darkar 2 chu a lo liam hman der a. Haw a hun tawh si, thlahlel tak chungin ka ‘Mangtha’ ta a. Kha zan zet kha chu ka tan hian zan hlimawm, ka theihnghilh ngai tawh loh tur a lo ni ta a ni.

LOVE!!!

Posted in Ho mai mai, Romance with tags , , on 05/10/2010 by ramtea

Before I start, let me have a short survey..

Probably you might have..

 

After seeing the last question, you might be thinking back your past experience or you might think the question is stupid!! Why am I interested in this topic? Well here is one story (based on true incident. Not Me πŸ˜† ) … Suppose you saw a nice boy/girl and you liked him/her very much. But you do not have the courage to tell what you have in your mind!! 😳 Think about the situation when you heard through friend you that he/she also liked you; and you start romance. Won’t you be happy?? Of course you will be happy. On your first date, you heard one of the most common sentence in the world from him/her!! “I LOVE YOU!!” πŸ™‚ But one day, some of your friend told you that he/she is dating another person also and unluckily THAT WAS TRUE!! 😯 πŸ˜₯ How will you react in that kind of situation?? 😈 Well, my question is, “What is LOVE”. Someone told you that he/she love you, and after sometime dump you!! If this is love; DO YOU WANT LOVE or DO YOU LOVE ANYONE!! ❗ ❗ ❓