Ka Lova Hrethiam Har Em!!!

Posted in Gospel, Ho mai mai, Personal with tags , on 01/10/2012 by ramtea

Khawi nge, kan inpuang mualpho ta sa sa. Han inpuan belh leh law law teh ang. Eng ka ti nge mawni kei hi Lungleng tur reng renga Khuanu ruat ka ni bik emaw ni? Lunglen avanga tah te hi ka sam bik riau ni hian ka hre thin.

Ka hun kaltawh ka ngaihtuah let a; ka chhuikir hian eng hun hi nge ka hlim ber tum ni ang aw tiin ka ngaihtuah let mai mai thin. Ka hriattheih chinah ka hlim ber tum nia ka ngaih chu; ka post hmasa lama ka sawi tawh tho; ka bialnu; kum 2 dawn ka lo vei ve tawh, vawi tam tak ka duh thu pawh ka lo hrilh tawh, beidawn tawh lama an rem ta kha chu!! ka hlimzia kha ka sawifiah thiamlo a ni!! Khami tum ang reng renga ka hlimna in a tawnsan kha ka la hrelo a ni.

He thu ka ngaihtuah ruala ka rilru a thu lo lang chu, Pathian hmangaihna hi a ni. Pathianin min hmangaih em em a, A hnen kan pan theih nan kawng min hawn sak a, keini chuan sual lam kan hawi lui tlat a, chuti chung chuan beidawng lovin min la nghak tang tang zel zawk a nih hi. A hnen pan turin min sawm reng chung pawhin kan la hawisan lui tlat hi chu Pathian rilru hi a na ngawih ngawih hian ka ring thin.

Heti khawpa min hmangaihtu kan nei hi kan va phulo tak em!! Kan phu vanga leh kan fel vang liau liaua he hmangaihna hi dawng tur ni ta ila chuan tumah hi dawng thei kan awm dawnlo tih hi a chiang reng a ni. Mahse kan Pathian chuan he phuloh hmangaihna hian min la umzui reng a, a hnen pan turin min la sawm reng a ni si.

Mihring hmangaihna leh Pathian hmangaihna chu tehkhin rual nilo mahse heti hian ka ngaihtuah a. Keini mihring mahin kan hmangaih ngawih ngawihten min duh loh chuan kan rilru a na in hrehawm kan ti a, min lo duh ve hlauh chuan kan hlim thinzia te ka ngaihtuah hian mihring hmangaihna aia nasa zawk hmangaihna neitu Pathian hian amah kan hawisan tlat hian eng ang takin rilru na ang maw?? Chutih rual chuan a hnen kan pan hian kan Pathian hlimna hi a va nasa dawn em!!

Advertisements

Kum 1 a Tling Ta!!!!

Posted in Personal, Romance on 01/07/2012 by ramtea

Hun hi a lo va kal chak tak em!! Reilo te emaw kan tih chhungin kum a lo vei leh der tawh mai. Ni ka post hmasa Zan Hlimawm chhiar chuan Ka bialnu nena kan intawn dan inhre tawh ngeiin ka ring.

Kha zan hlimawm tak leh ngaihawm tak kha tun thlenga ka lung tilengtu leh hlimna min thlentu a la ni reng a nih hi. Hringnun hi a lo va mak thin tak em!! Kha zan Pawlkut thla tahrik ni 7 kum 2011 ah kha chuan hlim takin kan awmdun asin le!! Mahse kum a lo vei meuh chuan tuanna mual hranah hun kan hman a tul si!! Inthlahlel tak chung leh inngai tak chungin kan awmdun thei silo. Mahse a pawi love, rinawmna kan tiam tawh alawm.

He hun chhung hian kan inkarah harsatna a va tam tak em. Dawt a diklo taka min min puhna te, thu in bakkaih avanga kan intih thiamlohna te… sawi vek sen pawh a nilo. Tin, mihringte pawh hi kan lo va sual tak em!! mi inhmangaih tak leh induh em em te pawh dawtthu mai mai hmanga inthen tir duh khawpa thu veivir ching te an lo awm lehzel hi a vanduaithlak a ni. Mahse hmangaihna a lo pian tawh tak tak chuan harsatna karah pawh chu hmangaihna chuan hmun a chan len ber avangin hun lokal zelah chuan hlimna a lo parchhuak thin a lo ni.

Kum 2011 krismas kan hmandan leh 2012 kumthar kan hman dun dante kha aw. Mi tumahin min awt kherlo mahse keini pawhin tumah kan awt bik lemlo. Kan pahniha kan awmduh chuan kan hlim a, engdang mah kan ngai biklo. Kan inthlahlel a, kan inngai in kan inkawmngeih em em mai bawk si.

Ni, ani hi ka lo tawng lo ang tih ka hlau a ni. Ka rilru tihlimtu ber mahse awlsam taka rilru na taka min siamtheitu a ni si. Hmangaihna awmzia la hrelo leh la temve ngailo kei atan chuan amah ka duhna leh ka thlakhlehna hi hmangaihna a puh loh phal chi a ni dawn em ni? Sawi zel tawhlo mai ang Buichhe laih loh kan inpuang mualpho zo dawn’.

He hun chhung zawnga min vengtu Pathian hnenah lawmthu ka sawi a. Hriselna tha tak nena min ven tawnna ah kan lawm tak meuh a ni.

Bonus…

Information Technology in Kohhran a nghawng tha leh thalo a neih dan

Posted in Uncategorized on 10/19/2011 by ramtea

Kan thupui kan sawi tan hma in kan chian theih nan ‘Information Technology’ tih hi han sawifiah hmasa ila. ‘Information technology’ kan tih chuan tunlai hmanraw changkang; Computer leh a kaihhnawih, Internet te, Mobile phone te, Cable TV te leh Radio te hi a huam thei awm e. Heng kan sawi tak thilte hian kohhranah a hranpa in nghawng a nei dawn em ni? Tih ngaihdan a awm mai thei . Mahse keini a hmangtu, ringtu inti te hian kan hmandan a zirin Indirect-in kohhranah nghawng a nei tih kan hriat a pawimawh awm e.

Tunlai hmasawnna Information Technology hi a hmangthiam tan chuan tangkai tak leh hmasawnna nasa tak thlentu, a hmangthiamlo tan erawh chuan chhiatna thlentu; ruihhlo hlauhawm tak ang maia mihring nun tichhe vek thei a ni. Chuvang chuan thiam tak leh fimkhur taka kan hmana kan inzirtir hi a pawimawh hle a ni. Mi tamtakin an lo dinchhuahpui tawh a, an dinchhuah pui mek zel lai hian mi thenkhat chu chhiatpui hlen ta te pawh an awm a ni.

He Information Technology hi Mizoramah kan hmelhriatna ala reiloh ngaihtuah chuan kan nunah nasa takin a bet ta a ni a tih theih awm e. Mi tamtakin rawngbawlna pawimawh takah an hmang chho mek a.Internet kaltlang te, TV kaltlang te in mi tamtakin rawngbawlna zau zawk an neih theih phah a, thlarau bo zawn nan hmanraw tangkai takah an hmang mek a ni. Internet lamah kan Synod ngei pawhin website te neiin rawmpawn a awm te tan pawh thil tangkai tak niin a lang. Chu mai bakah ramchhung leh rampawn ah mi tamtakin an mahni pualin website-te neiin Pathian thu te ziakin khawvel hmun tina mite chhiar theih turin an pholang a, Hnamdang tawng thiamte tan phei chuan Pathian thu zirna tha tak leh tangkai tak, mahni nun chawmtu atana hman theih a lo ni reng mai. Tin, Internet kaltlang hian chanchin a inhrilh zung zung theih a, khawvel hmun khawilai ah pawh thil thleng kha awm hmuna thilthleng ang maiin kan lo hre thei ta a ni. Chung chuan ringtute rawngbawlna kawngah thawhhona tha tak a siam a ni.

He website rawngbawlna mai piah lamah tunlai thalai zinga lar em em, Social Networking Site (SNS) an tih mai ‘Facebook’te, ‘Twitter’ te, ‘Orkut’ te leh website dang dang te hi Pathian rawngbawl nan tangkai takin a lo hman theih reng mai! Mi tamtakin Pathian thu sawihona tur Group te siamin Pathian thu an sawiho thin a, thlarau nun chawmna leh intihchak tawnna tha tak atan an hmang mek a ni. Heng kan sawi tak. Social Networking Site te phei hi chu khawvel pumah thalai 80% vel hian an hmang niin chhut a ni, chuti a nih chuan kal chhuak kher theilo tan pawh mite tan Missionary hna awmhmun atangin kan thawk thei tihna a ni.

Tin tunlaia mi kan hmanlar em em : Mobile Phone te hi rawngbawlnan tangkai takah a hman theih bawk a. Chawp leh chilh a committee han koh mai nan te, thu pawimawh han inhrilh hriat zung zung nan te leh thil hrang hrangah kan hmang tangkai ta hle. Tin,mi thenkhat phei chuan mobile phone hmang hian Pathian thu hmangin councelling te an inpe mek zel bawk a ni. Tin, tunlai media zinga lar ber, mi zawng zawng thlengphak tih theih hial chu TV leh Radio te hi an ni. Heng hmanga rawngbawlna phei hi chu a thleng zauvin a huamzau hle a. Mi thahnemngaite avangin kan ramah ngei pawh IMEM channel te kan lo nei ta. Hengte hi tunlai Information Technology hmasawnna vang a ni kan ti lo thei lovang. Heng rawngbawlna te hi mi tamtak biak In rawngbawlna chhim pha tawhlo te hnena rawng kan bawl theihna tangkai tak, an hnena Pathian thu kan hrilh theihna tangkai a va ni tehlul em!

Information Technology hmang hian Khawvel ram hrang hrang ringtute kan inlaichin phah a, tawngtaipui ngaite kan in hretawnin kan chaklohna ah te kan indawmtawn a, nasa takin kan intanpui tawn mek zel a ni.

Chutihrual a kan ngaihthah miah loh tur chu khang kan sawi tak Information Technology; thil tha tak ni a lang, a hmangthiamlote  leh hman khawlohna avanga ringtute nuna nghawng thalo a neih theihte hi a ni.

Kan sawi tawh angin Information Technology hi hman dik loh chuan ruihhlo hlauhawm tak ang mai a ngawlvei theih, damchhung nun tichhe theitu a ni. Tunhma atanga kan hriat thin, kan Zoramah ngei pawh mi thenkhatin mi thlalak dukdaklo pui puia sawisain midangte dawtin an timualpho tawh thin a. An thiamna te a diklo zawnga hmangin midang tih mualpho nan an hmang tawh thin a ni.

Internet-te hi a hmang tangkai duh tan chuan tangkai tak ni mahse tunlai thalai; ringtu tamtak tena kan chhiatpui nasat ber a ni awm e. Kan Zoramah ngei pawh thalai tamtak Internet ringawt atchilh; thil tha leh tangkai tih nana hmanglo thil thalo tih nan ringawt a hmang leh buaipui kan pung chho mek zel ani. Tunlai tawng takin “Internet ah hi chuan awmlo pawh a awm vek” tih khawpa thil awm chikim a ni a. A duh tan chuan engkim a tih theih ti ila kan sawi sual tam awm love. Thalai zingah inkhawm hlana Internet a thiante nena inbiak mai duh zawk kan pung chho zel. Internet chu an pathian emaw tih mai turin an nunah a bet tlat a. Kan sawi tak ‘Facebook’ emaw tello chuan awm theilo tlata inhriatna an nei lian tawh hle a ni. Thilthalo tih nana hmangin milem leh video thalo leh duk daklo pui pui en nan leh lakkhawmna tha ber a lo ni a. Zan rei tak tak men puiin zing thawh nachang an hrelo a, chung an thiltihte chuan an rinna tichhiain nun beidawnna ruamah a hnuklut thin a ni.

Information Technology hmasawnna lama a hmanraw bulpui ber Computer hi a hmanna a tamin tih theih pawh a ngah hle. Chung zinga kan tuipui em em chu ‘Computer Games’ hi a ni awm e. Mi tamtak in eizawn nan Games te siamin chu chu thalai ten lo tuipui in zan mut thulh thak thakin kan khel ta mai thin hi chu inennawn kan ngai  hle a ni. Mitthi lumenna a zan khat pawh tlaivar hlei theilo kha Computer Games khel chuan zan tam a zawnin a tlaivar leh thei si! Ringtute tih atan a mawi em le? Tin, Computer Games kan sawia kan sawi hmaih miah loh tur chu kan games khelhin kan nuna nghawng a neih hi a ni. Tunlai mi tamtakin an tuipui em em games chu ‘Grant Theft Auto’ hi a ni. A game-ah chuan mi awm mai mai lai silai a kapin emaw kutthlakin emaw an tihlum a, an pawisa leh thilneih te an laksak thin a ni. Khawvel ram changkang zawk tena an zirchianna ah chuan hetiang game khel nasa te hian tharum thawh an pawisa lo a ni tih an hmuchhuak a. Hmun tamtak a tharum thawhna lo thleng tawh an zirchianna ah hetianga tharum thawhtu te hi hetiang tharum thawhna game khel nasa an ni tih an hmuchhuak bawk. Heng game te hi ringtu te tan a him em le?

Game reng reng hi a siamtu company te hian a khel thei chin kum bituk (rating) an nei zel a, keini ramah chuan kan tu leh fate lawmzawng a nih chuan engmah kan ngaihtuah lemlo niin a lang. Nu leh pate pawh hian kan faten eng nge computer-ah an tih thin tih kan hriatpui hlawm em? Heng kawngah te hian kan fimkhur a va tul tak em! Kan sawi tak ‘Grant Theft Auto’ kan tih te phei hi chu ram thenkhatah chuan an rama khelh leh lakluh an khap hial a. Keini ramah hian hetiang dan neih te hi a hun ve tawh kan ti em?

Television chungchangah pawh hian ngaihtuah tur a tam hle awm e. Kan en duhzawng leh kan tuipui zawngte hi engte nge? USA a zirchiannna an neihah chuan TV a film lo chhuak thin leh fakna kan tih ang chi ah hian ni khatah (darkar 24 chhungin) tharum thawhna minute 5 dan zelah a lang niin an sawi. Chutiang tharum thawhna kan hmuh hnem lutuk chuan kan rilru kawng diklo ah a hruai peng a ni tih an hmuchhuak a ni. TV-a hnamdang ho incheina lepchiah tak an nunphung tak tak ni lemlo te a tak tak emaw tiin kan lo zir chhawng ve a, an tawngkam leh chetzia diklo leh thalo tak tak te a awmzia leh nihna hre tak tak si lovin kan lo zir ve thin hi chu ringtute kan inenfiah a ngai niin a lang. Ze nghet neia, rinna kawnga nghet taka ding tur kan nih zia kan hriat nawn a pawimawh hle in a lang.

Awle, kan han sawitak tlemte atang hian ‘Information Technology’ chu rawngbawlna atan tangkai takin a hman theih a, chutih rual chuan diklo takin a hman theih a ni tih kan hre thei awm e. Keini ringtute hian khawvel changkannna ina a ken tel; Information Technology hi engtin nge kan hman ve dawn le?

(He article hi Presbyterian Kohhran Saitual Chhimveng in Literature week 2011 kan hmanna  article inziah siak ah lawmman 2 na ka lak pui)

Phatsanna

Posted in Gospel, Personal, Romance on 08/02/2011 by ramtea

Dam taka awma, mahni hna tha taka thawh theih a, enghelh nei lova awm lai hi chuan vanduaina hi kan chunga thlengve turah pawh ruat a har thin.

Mahse vanduainate, harsatnate hi kan chan tura Pathian ruat a lo nive tho mai. Mihring pangngai nih a, han tleirawl chhuah phat hi chuan a hmei a pa in ngaihzawng kan nei deuh vek awm e. Ngaihzawngte nena hlim taka awm lai tluka nuam hi nulat tlangvalna kawngah chuan a lehpek tur a awm chuang kher awm love.

Mahse chutia inngeih taka kan awmdun laia kan ngaihzawngte laka midang an lo tlakzep tawh chuan mipangngai tan pawh tawrh a har thin a nih hi. Hetiang vanduaina lo thleng avang hian keini Mizo te pawhin lengzem hla thahnem tak kan lo neih phah tawh a. Kan la neihbelh zel bawk ang.

Hetiang phatsannain min hmuhtir chu Lal Isua hmangaihna hi a ni. A hmangaihna tlansana sual bawiha kan awm hian engtiang takin nge a rilru a nat ang tih min hriattir a. A nihna ang takin hrethiamlo mah ila a them tal min lo temtir ni hian ka hre thin.

Zan Hlimawm!!

Posted in Ho mai mai, Personal, Romance with tags , , on 01/19/2011 by ramtea

Kum 2010 krismas a lo zova, kum 2011 a lo her chhuak a, zirlai mahni inlum chhuahsan ngai tih takah kar lovah mahni awmna hmun pan a lo hun leh ta reng mai.

Jan ni 7 a lo herchhuak a, a tuka mahni inlum chhuahsan tawh mai tur tih takah lung a leng tan nghal der tawha. Mahni thawmhnaw ken tur pawh siam peihlovin chhungte siamah ka’n hnutchhiah a. Thiante lahin inthlahnan tiin ar kan an lo rawt ve chhen bawk nen. Tih tur tam si engmah tih phur si lovin ni chu ka leng a ni ta ber a. Zanriah eikhamah chuan thiante chu kan Inah chuan an rawn kal khawm tan der tawh a. Ar kan talh a, kan puah zawh chuan kan thiante Inah kang turin kan kal ta a.

Hlim taka inkawm pahin ar chu kan kang ta a, kei lah chu kal tawh mai tur ka nih avangin len ka duh em em mai bawk si. Len duh viau e tilo chuan ka len duhna ah chuan ka leng ngam der bawk si lo. Chu achapah zan dar 10 a ni der tawh bawk si. Rilru mumal pawh pu lo chuan kum 2 dawn ka lo vei ruk em em tawh chu kan message ta a. Vanneihthlak takin a lo la mulo hlauh mai!! Thiante pawh zahzolovin leh kan ar kan pawh chu ei hman lovin ka thianpa scooter chu kan dil tawp mai a, rilru hlim leh zam angreng tak chungin an In lam ka pan ta a. An in zawn ka then chuan kan zam thar leh a, kan tlanpel leh phawt a. An inpiah kawi atang chuan ka’n message leh a, an kawta lo awm turin ka ti a. Ka let leh a, ka la hmu chuanglo, ka tlanpel leh, ka nghak vang vang a. Rei vaklo hnuah chuan message in ka awmna min rawn zawt a. Chutah zet chuan zam tak leh khur chungin an In kawt lam chu ka pan ta a.

Amah kan hmu chiah mai chu, ka hlim dan chu sawiphak pawh hi a nilo!! Chutah kan han thu dun a, khawvawt nen zam bawk nen; ka khur ru der der a, ka hnaih ngam mai lova. Hun engemaw chen chutia kan thut a kan titi hnu chuan ka thut hnaih ngam ta hram a. Ka kuah a, ka fawp ta!!! Khatih hun lai na na na kha chuan kei aia hlim hi an awm bik kher lo maithei a ni..

Khatia kan thutdun a, kan titi chhung reilote emaw ka tih chhung khan darkar 2 chu a lo liam hman der a. Haw a hun tawh si, thlahlel tak chungin ka ‘Mangtha’ ta a. Kha zan zet kha chu ka tan hian zan hlimawm, ka theihnghilh ngai tawh loh tur a lo ni ta a ni.

Goodbye Rockzzzz!!!!

Posted in Gift, Personal with tags , , , on 11/02/2010 by ramtea

(Dedicated to all the 2008-’11 batch M.C.A. Kalasalingam University)

Hello guys, how are you? I hope you are doing fine. It’s been a long time since we’ve met. I’m very happy to have you such a good friend to share my problems, joy, and everything.

Now we’ve almost complete our PG course. During our studies I’ve learned a lot of good things from you. During these days, we’ve struggled together, we’ve enjoyed together and helping each other. All these experiences gave me a beautiful friendship, a good time to cherish, and unforgettable memories in my life.

You’ve helped me in a lot of ways. Whenever I need help to do things, you are always besides me; you helped me to complete my works. You always fulfill my request. I don’t know how to thank to you guys and I cannot repay you back. All I can do is only to say “Thank you”. If there is any time that I can do anything for you. I’ll try my best to fulfill your needs.

More importantly, I’m happy that I belong to ‘B’ Section. To me all of you are not just friends; you are my bothers and sisters away from home. Our relationship is one of the most beautiful relationships I ever had among my classmates in my past times. If I’ve not met a friend like you, my stay in this university will be so bored. You make my day great and fun. I want you to “Thank” again.

I also want to extend my gratitude to all the lecturers and faculty members of Computer Application Department. They are very kind and helpful to me. Without them I cannot go through all the hardship and challenges.

Last but not the least, I wish all of you to have all the success in your life. Wish you to have a good career. Wherever we are whatever we do, let’ keep in touch. Thank You.

MAY THE SPIRIT OF ROCKZZZZZ REMAIN IN YOUR HEART!!!!

 

MCA 2008 -'11 Batch KLU

MCA 2008 -'11 Batch KLU

Bangalore-ah ka zin ve a!!

Posted in Ho mai mai, Personal, Travels with tags , , , on 09/25/2010 by ramtea
Tum lawk em em pawh awm lovin October 10 (Ramzan) chawlh lai a ni bawka, ka thianpa Chhama Bangalore lama hnathawka awm chu tlawh turin ni 9 Oct tlaiah chuan Madurai atangin kan chhuak a. Tihtur tul em em ka nei phei chu a ni lo nangin thil engemaw ho teah rawn ka duh avanga kal ka ni ber.

Ka kal tur hi ka roommate(Naga) in ka lo kal ve a tih avangin ka hruai ve a. Tin kan Korean thian 2 te pawh kan rualin kan hruai tel ve a. Ni 10 zing dar 7:30 velah Bangalore chu kan thleng a, Bus station atangin Autorickshaw kan hmang a, Tamilnadu khawlum atanga kal kan ni bawk a, thawmhnaw lum kan lo keng bawk si lova; vawt kan ti tlang khawp mai. Ka thiante chuan a vawt tih tinge min hrilh loh, tiin min hau liam liam a.

Chhama-te In kan thleng a, kan intihfai hnuah, kan tei chhuak a, Lunch kan buatsaih a, lunch ei zawh chuan kan hahchawla, nilengin kan mu a ni ber e. Zan lamah dinner kan ei zawhin kan titi tlanga, kei ber chu ka lu a nat deuh avangin ka mu nghal a.

A tukah chuan lunch kan ei zawhin bazar turin kan chhuak tlang ta a. Nilengin kan bazar a, min hruaitu lah hriat nei tlem bawk si khawi hmuhnah pawh kal duh ila a thiante a phone hmasak phawt a ngai a. A lerh bawk si, nula tamna lamah hlir min hruai a, chhelo tak tak hmuh tur an tam bawka, a nuam phian mai. Kan bazar zo chu Naga Kitchen-ah zanriah ei turin kan kal a, kan ril a tam tlang bawka, kan ei hnem tlang khawp mai. Dinner ei zawhah kan haw a, inkhel te kan en hnuah kan mu ta a. A tukah University lam kan pan lehta a.

Kan cham chhung zawnga min buaipuina leh min lo mikhualna zawng zawngah Chhama chunga leh a roommate Amosa-te chungah kan lawm tak tak a ni.
Chhama and Me

Chhama and Me

Chong, Gareth, Me and Chhama

Chong, Gareth, Me and Chhama

Keimah

Keimah

Chong, Gareth, Me and Chhama

Chong, Gareth, Me and Chhama

Chhama, Gareth, Ben, Chong

Chhama, Gareth, Ben, Chong